Por fin... rematado?

Despois de varias tentativas frustradas de codificar o vídeo e os mareos cos ordenadores e co Media Encoder que supuxo, por fin presentamos e subímo-la curta ó concurso Curtas na rede

Esperamos que sexa do voso agrado. Se ben o traballo duro fixémolo durante estes últimos dous meses, o traballo comezou fai dous anos, cando empezamos a fedellar nesta historia. Ó final conseguimos rematar o traballo... en certo sentido.

En certo sentido porque este traballo realmente é moito máis extenso. As características deste concurso fixéronos cinxirnos a 5 minutos de duración. Polo tanto escollimos esa parte da curta que nos pareceu máis importante, e máis descriptiva. E velaí o noso traballo. Nos próximos meses teremos a oportunidade de amosarvos a outra versión, que tamén agardamos que vos guste.

Pois iso, ¡sorte a tódolos participantes e bo traballo!